ਤੇਜ਼ ਹਨੇਰੀ ਦੌਰਾਨ ਅਜਨਾਲਾ ਨੇੜੇ ਕਈ ਥਾਵਾਂ ’ਤੇ ਲੱਗੀ ਅੱਗ

ਅਜਨਾਲਾ-  ਬੀਤੀ ਰਾਤ ਤੇਜ਼ ਆਈ ਹਨੇਰੀ ਅਤੇ ਝੱਖੜ ਕਾਰਨ ਅਜਨਾਲਾ ਖੇਤਰ ਦੇ ਕਈ ਹਿੱਸਿਆਂ ਵਿੱਚ ਅਚਾਨਕ ਅੱਗ ਭੜਕ ਉਠੀ। ਇਸ ਅੱਗ ਕਾਰਨ ਕਿਸਾਨਾਂ ਵੱਲੋਂ ਖੇਤਾਂ ’ਚ ਇਕੱਠੀ ਕੀਤੀ ਤੂੜੀ ਅਤੇ ਨਾੜ ਸੜ ਗਈ, ਜਿਸ ਨਾਲ ਉਨ੍ਹਾਂ ਨੂੰ ਭਾਰੀ ਨੁਕਸਾਨ ਹੋਇਆ। ਪਿੰਡ ਫੁੱਲੇਚੱਕ ਦੇ ਖੇਤਾਂ ਵਿੱਚ ਵੀ ਅੱਗ ਲੱਗਣ ਦੀ ਘਟਨਾ ਸਾਹਮਣੇ ਆਈ ਹੈ। ਤੇਜ਼ ਹਵਾਵਾਂ ਕਾਰਨ ਕਈ ਦਰਖ਼ਤ ਸੜਕਾਂ ’ਤੇ ਡਿੱਗ ਪਏ ਹਨ, ਜਿਸ ਕਾਰਨ ਆਵਾਜਾਈ ਪ੍ਰਭਾਵਿਤ ਹੋਈ ਅਤੇ ਲੋਕਾਂ ਨੂੰ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ।